Kelot tumalon sa Davao river (May liver cancer)

DAVAO CITY – Bunsod ng paghihirap sa sakit na liver cancer, isang lalaki ang tumalon sa Davao river kamakalawa ng gabi.

Agad nagresponde pasado 8 p.m. kamakalawa ang mga

kasapi ng Central 911, mga tauhan ng pulisya at Philippine Coast Guard sa Bolton Bridge ng Davao City makaraan tumalon si George Chavez, 40, may asawa, at residente sa nasabing lugar.

Napag-alaman, may gusto sanang sumagip sa biktima ngunit tinanggihan niya hanggang sa mapadpad sa mas malalim na bahagi ng ilog.

Ayon sa pamilya ng biktima, matagal nang idinadaing ng biktima ang kanyang sakit sa atay.

Hanggang sa kasalukuyan ay hindi pa narerekober ang bangkay ng biktima.