HATAW! D'yaryo ng Bayan hatawtabloid.com
KALIBO, Aklan – Nagwala ang isang turistang Amerikano nang baguhin ang lyrics ng kantang “Bohemian Rhapsody” sa isang videoke bar sa isla ng Boracay.
Ayon kay Robert Christopher, 51, American national at nagbabakasyon lamang sa isla, habang masayang umiinom sa loob ng videoke bar ay napikon siya nang baguhin ng kumakantang si alyas “Eric” ang lyrics ng kanyang paboritong awitin.
Dahil dito, nilapitan at kinausap ni Christopher ang lalaki at sinabing huwag babuyin ang kanta kaya’t nagkaroon sila ng mainitang pagtatalo na nauwi sa suntukan.
Naawat lamang ang kaguluhan nang magresponde ang mga miyembro ng Boracay Tourist Assistance Center.
Ayon sa mga pulis, nangyari ang insidente dahil parehong lasing ang dalawa.
