HATAW! D'yaryo ng Bayan hatawtabloid.com
MALAMIG na rehas na bakal na ang hinihimas ng isang manyakis na batilyo (fish porter) makaraan maaresto matapos lamasin ang dibdib at ibabang kaselanan ng isang 13-anyos dalagita kamakalawa ng gabi sa Navotas City.
Kinilala ang suspek na si Jerry Tumalakad Mateo, 28, ng Sitio Puting Bato, Brgy. North Bay Boulevard South, nahaharap sa kasong paglabag sa R.A. 7610 (Child Abuse), nakapiit sa detention cell ng Navotas City Police.
Batay sa ulat ni PO2 Jenny-Lyn Manabat ng Women and Children Protection Desk ng Navotas City Police, dakong 8 p.m. nang maganap ang insidente sa tapat ng Agora Market sa nasabing barangay.
Salaysay ng biktimang si Grace, ng Yellowbell St., kasama niya ang mga kaklase habang naglalakad pauwi nang sumulpot ang suspek at agad nilamas ang kanyang dibdib.
Hindi pa nasiyahan ay pati ang ibabang kaselanan ng biktima ay dinakma ng suspek bago mabilis na tumakbo habang tuwang-tuwa.
Mabilis na nakapagsumbong sa kanyang ina ang biktima dahilan upang agad humingi ng tulong sa mga barangay tanod na nagresulta sa pagkakaaresto sa suspek.
(ROMMEL SALES)
