Lady drug pusher pinatay sa Pasay

HINIHINALANG onsehan sa droga ang motibo ng pagbaril ng ‘di nakilalang lalaki sa isang babae na sinasabing isang drug pusher kamakalawa ng gabi sa Pasay City.

Binawian ng buhay bago idating sa Pasay City General Hospital si Jennifer Toreno ng 258 Verrgel St., Zone 14, Brgy. 119 ng naturang lungsod.

Patuloy na nagsasagawa ng follow-up operation ang pulisya kaugnay sa pagkakakilanlan ng suspek.

Base sa ulat na nakarating kay Pasay City Police chief, Sr. Supt. Melchor Reyes, dakong 10 p.m. nang mangyari ang insidente sa harap ng bahay ng biktima.

Nakatayo ang biktima sa harap ng kanilang bahay nang sumulpot ang suspek at pinaputukan ng tatlong ulit si Toreno.

(JAJA GARCIA)