Ulo ng 6-anyos totoy biyak sa poste ng volleyball net

DUROG ang bungo ng isang batang lalaki nang mabagsakan ng poste ng volleyball net sa Candon City, Ilocos Sur.

Kinilala ang biktima na si Jayzen Arnolf Abaya Habat, 6, Grade I pupil sa St. Joseph Institute, Barangay Catayagan, Sta. Lucia ng nasabing lungsod.

Sa pahayag ng ina ng biktima na si Mrs. Mara Abaya Habat, nakatayo ang bata sa tabi ng bakal na poste ng volleyball net nang yugyugin ng kapwa niya bata kaya bumagsak at tumama sa biktima.

Hindi pa makapagbigay ng desisyon ang ina ukol sa pangyayari at sa paaralan ng anak dahil hinihintay ang asawa na nasa abroad.

HATAW News Team