16-anyos pulubi na-hit and run sa Kyusi

PATAY ang isang 16-anyos dalagita nang mabundol ng isang SUV sa northbound lane ng EDSA North Avenue malapit sa Trinoma, Quezon City dakong 4 a.m. kahapon.

Kinilala ang biktimang si Jinkee Pacion, taga-Caloocan.

Ayon sa mga testigo, sumampa sa bus ang biktima upang mamalimos.

Nang bumaba siya ay hindi niya napansing may paparating na Mitsubishi Pajero na bumundol sa kanya.

Tumalsik sa peremeter fence ang dalagita na napuruhan ang mukha.

Agad siyang binawian ng buhay sa insidente.

Hindi naplakahan ng mga testigo ang naturang sasakyan.