2 dalagita, ni-rape ibinugaw ng kagawad

ARESTADO ang isang 53-anyos barangay kagawad makaraan ireklamo ng panggagahasa at pagbugaw sa dalawang menor de edad sa Sta. Cruz, Maynila at Pasay City.

Nakapiit sa Manila Police District-Women  and Children Protection Unit (MPD-WCPS) ang suspek na si Arturo Garcia, taxi driver, kagawad ng Brgy. 373, Zone 37, 3rd District ng Maynila, at residente ng 2517 Karapatan St., Sta. Cruz, Maynila.

Bukod sa kasong rape at child abuse, nahaharap din si Garcia sa kasong human trafficking makaraan ireklamo ng mga biktimang sina Jocelyn, 14, at Gina, 14, kapwa residente ng Karaaptan St., Sta. Cruz, na makaraan silang gahasain ay ibinugaw rin sila ng suspek.

Napag-alaman, makaraan gahasain ay ibinugaw ng suspek ang biktimang si Jocelyn sa isang Amerikano sa halagang P7,000 sa isang motel sa Sta. Cruz ngunit P3,000 lamang ang ibinigay ng salarin sa dalagita.

Habang si Gina ay ginahasa ng suspek sa isang hotel sa Pasay City at pagkaraan ay ibinugaw rin sa isang lalaki.

(LEONARD BASILIO)