Bungo ng Bombay binutas ng holdaper

PATAY ang 27-anyos Indian national makaraan barilin sa ulo ng mga holdaper nang manlaban kahapon ng umaga sa San Mateo, Rizal.

Sa ulat na tinanggap ni Senior Supt. Bernabe Balba, Rizal PNP Provincial director, kinilala ang biktimang si Davinder Kumar y Coor, may-asawa, tubong India at nakatira sa Blk-51, Lot-15, Villa Subd., ng nabanggit na bayan.

Ayon sa imbestigasyon, dakong 8:45 a.m. habang sakay ang biktima ng motorsiklo para maningil ng 5-6 at tinatahak ang C-6 Road, Guitnang Bayan, nang dikitan ng mga suspek na sakay rin ng motorsiklo.

Tinutukan ng baril ng mga suspek ang biktima at nagdeklara ng holdap ngunit nanlaban si Kumar kaya binaril siya sa ulo ng mga salarin.

(ED MORENO)