HATAW! D'yaryo ng Bayan hatawtabloid.com
PINABULAANAN ni Department of Social Welfare and Development (DSWD) Secretary Dinky Soliman na nawawala ang P5 bilyong ‘ipinagkatiwala’ sa Philippine Postal Corporation (Philpost) para sa Pantawid Pamilyang Pilipino Program (PPPP).
Walang umanong nawawala, meron lamang P1.6 bilyon na hindi pa nali-liquidate ng Philpost.
Ganoon ba ‘yun Philpost Postmaster General Josie Dela Cruz?!
Pinili kasi ng Landbank of the Philippines na maging conduit sa programang ito ang Philpost para doon sa mga benepisaryo na walang ATM.
Ibig sabihin mga benepisaryo sa malayong lugar.
Maraming benepisaryo ang nagreklamo na hindi nakararating sa kanila ang nakalaan na budget at ito nga umano ay tinatayang P5 bilyones, pero tigas na pagtanggi ni Secretary Dinky.
At tumawad pa na P1.6 bilyon lang daw ang hindi pa nail-liquidate?!
‘E saan pala napunta, Secretary Dinky and PG este PMG Josie Dela Cruz?
Aba e, ipaliwanag ninyong mabuti sa mga benpisaryo ‘yan?!
Bakit nakanganga lang sila at walang dumarating na para sa kanila?!
Hanggang kailan hihintayin ng mga benepisaryo ang nakalaan na budget para sa kanila lalo na ‘yung sinasabing P1.6 bilyon na unliquidated.
I-explain na ‘yan!
PUBLIKO UBOS NA ANG PASENSIYA KONTRA TRAFIK JAM
DESMAYADO ang maraming motorista sa muling pagbigat ng sa kahabaan ng south bound lane ng North Luzon Expressway (NLEX) kahapon.
Sa monitoring ng Metropolitan Manila Development Authority (MMDA), Metro Base, nagsimula ang matinding trapik, dakong 4:00 a.m. mula sa area ng Balintawak na umabot ng dalawang kilometro hanggang pagsapit ng alas- 6:00 a.m., kalahating kilometro na lamang ay aabot na ang dulo sa mismong Balintawak toll plaza ng NLEX.
Pansamantalang solusyon ang inilagay ng mga awtoridad na pagbukas ng counter flow lane sa north bound ng NLEX, tinanggal ang mga concrete barrier sa bahagi ng Camachile para rito.
Pinayuhan na gamitin ang Mindano Avenue bilang exit point ng mga sasakyan patungong Metro Manila.
Nitong Biyernes, siyam na kilometro ang inabot ng trapik sa naturang lugar, na ikinairita ng maraming mga motorista.
Unang isinisi ang naranasang trapik sa ipinatutupad na one truck lane policy ng MMDA.
Pero agad nagpahayag ang pamunuan ng MMDA, na huwag isisi sa kanila ang nararanasang trapik dahil ang nasasakopan lamang aniya ng one truck lane policy ay kahabaan ng C-5 Road.
Isinisi rin ang naturang trapik sa Philippine Port Authority (PPA) at pamahalaang lokal.
Sonabagan!
Ganoon lang … sisihan nang sisihan lang?!
Paano naman hindi magiging ganyan kagrabe ang traffic, kada linggo ‘e iba na naman ang sistema?!
Mas mabuti pang ibalik na lang sa dati na gumagalaw ang sasakyan kaysa one-truck lane policy na nagiging sanhi ng sandamakmak na obstruction sa kalye.
Anong sey ninyo?
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
