HATAW! D'yaryo ng Bayan hatawtabloid.com
NANINIWALA si Presidential spokesperson Edwin Lacierda, karapat-dapat na ibigay sa Gilas ang mainit na pagtanggap at pagbati makaraan ang kampanya sa FIBA World Cup sa Spain.
Ayon kay Lacierda, ipinagmamalaki ng bansa ang performance ng Philippine basketball team lalo na ang magiting aniya na panalo laban sa Senegal.
Nabatid na kahit nabigo na makaabanse sa susunod na round ng FIBA World Cup, pinahanga ng Gilas ang basketball fans dahil sa ipinakitang laban kahit sa magagaling na team.
Sinabi ni Lacierda, posibleng magkaroon ng courtesy call ang Gilas kay Pangulong Benigno “Noynoy” Aquino III.
Ipinakita aniya ng Gilas na may puso ang mga Filipino sa paglaban sa kahit anong larangan at binigyang karangalan ang bansa.
“I’m sure the Filipino people will be celebrating when they arrive… They put up a good fight and made the Philippines proud, and showed may puso ang Filipino sa paglaban sa kahit anong larangan in sports or any field to show we have heart,” ani Lacierda.
