HATAW! D'yaryo ng Bayan hatawtabloid.com
DAPAT pa ring ipagmalaki ng mga Filipino ang Gilas Pilipinas.
Ito ang panawagan ng Palasyo kahapon sa publiko sa kabila nang sunod-sunod na pagkabigo ng Gilas Pilipinas na masungkit ang panalo mula sa mga kalaban sa ginaganap na FIBA basketball world cup sa Spain.
Ayon kay Communications Secretary Herminio Coloma Jr., kahanga-hanga pa rin ang ipinakitang husay ng Philippine team dahil kahit natalo ay hindi nangulelat sa score sa nakalabang team ng Croatia, Argentina at Puerto Rico.
Lahat aniya ng nakauunawa sa larong basketball ay magsasabing kinulang lang ng swerte ang koponan ng bansa.
Sinabi ni Coloma, dapat pa ring ipagpatuloy ang pagsuporta sa Gilas Pilipinas at ipagmalaki sila dahil sa matapang na pagharap sa kanilang naglalakihang mga kalaban.
(ROSE NOVENARIO)
