HATAW! D'yaryo ng Bayan hatawtabloid.com
PATAY ang isang empleyado ng Chinese General Hospital nang sumemplang at tumama ang ulo sa semento nang mawalan ng kontrol ang sinasakyang bisekleta sa Port Area, Maynila kamakalawa.
Hindi na umabot nang buhay sa Seaman Hospital ang biktimang si Ramil Mariano, 48, nursing aid sa Chinese General Hospital, residente ng No. 2622 C. Felix Huertas, Sta. Cruz, Maynila.
Ayon sa imbestigasyon ni PO3 Jonathan Bautista, naganap ang insidente dakong 9:50 a.m. sa harapan ng Petron Gasoline Station sa Anda Circle Port Area, Maynila.
Nanggaling sa Mall of Asia (MOA) ang biktima kasama ang kanyang mga kaibigan.
Pagdating sa Port Area, biglang nag-overtake si Mariano ngunit sumemplang ang kanyang bisekleta na nagresulta sa pagkabagok ng kanyang ulo sa kalsada.
(LEONARD BASILIO)
