3-anyos paslit nangisay sa koryente

KORONADAL CITY – Hindi na umabot nang buhay sa pribadong ospital sa Lungsod ng Koronadal ang isang 3-anyos batang lalaki makaraan makoryente kamakalawa.

Kinilala ang biktimang si Alexandro Reyna, residente ng Brgy. Kipalbig, Tampakan, South Cotabato.

Ayon kay Dr. Jo Bonifacio, ang attending physician ng biktima, tinusok ng biktima ng pako ang socket kaya siya nakoryente.

Sinabi ng doktor, electrocution at heart attack ang naging dahilan ng pagkamatay ng biktima at nasugatan ang kamay dahil sa lakas ng boltahe ng koryente na dumaloy sa kanyang katawan.

Kasalukuyang nasa ibang bansa ang mga magulang ng biktima.

Habang ang tumatayong guardian ng bata ay nasa state of shock pa ngayon dahil sa pangyayari.