HATAW! D'yaryo ng Bayan hatawtabloid.com
INILUNSAD ng Globe Telecom ang pinakamalaking mobile recycling program sa Pilipinas upang lumikha ng kaalaman sa tamang disposal ng electronic waste (e-waste) upang maiwasan ang masamang epekto nito sa kalusugan at kapaligiran.
Tinawag na Project 1 Phone, umaasa ang Globe na susuportahan ang kampanya ng may 45 milyong subscribers sa buong bansa.
”Obsolete and discarded electronic and electrical devices which we call e-waste often end up
in landfills and incinerators, causing toxic metals to be released into the air and seep into the ground and waterways. In fact, studies show that one single cadmium battery has the potential to pollute up to 600,000 liters of water if not disposed off properly,” pahayag ni Yoly Crisanto, SVP, Globe Corporate Communications.
Idinagdag niya na tumutulong ang Globe na masolusyonan ang problema sa pamamagitan ng Project 1 Phone na nagpapalaganap sa tamang pagtatapon ng mga sirang mobile phones, tablets, chargers at baterya upang mapigilan ang peligrosong epekto nito sa kalusugan at mabawasan ang greenhouse gas emissions.
Sa report ng United Nations Environment Programme na may pamagat na ”Recycling – from E Waste to Resources,” pinangangambahang umakyat sa 500 percent ang volume ng e-waste na itinatapon sa buong mundo sa susunod na dekada.
Samantala, iniulat naman ng DoSomething.Org na may 20 hanggang 50 million metric tons ng e-waste ang itinatapon sa buong mundo kada taon pero 12.5 percent lamang ang inire-recycle.
Ang ‘responsible recycling’ ang sinasabing pinaka-epektibong solusyon sa dumaraming problema sa e-waste. Karamihan sa electronic devices tulad ng lumang telepono ay pinagmumulan ng mahahalagang metals gaya ng gold, silver, copper at palladium.
Para sa pagsisimula ng kampanya, ang Globe ay maglalagay ng recycle bins sa 21 Globe stores na nasa iba’t ibang bahagi ng bansa. (Para sa kompletong talaan, bumisita lamang sa Globe Telecom website http://www.globe.com.ph/globebridgecom).
