HATAW! D'yaryo ng Bayan hatawtabloid.com
PATAY ang isang 56-anyos masahista sa Baywalk makaraan pagpapaluin ng dos por dos ng kapwa niya masahista sa Roxas Boulevard, Maynila kahapon ng madaling-araw.
Hindi na umabot nang buhay sa Ospital ng Maynila ang biktimang si Loberico Llaver, ng #589 San Lorenzo St., Malate, Maynila.
Habang tinutugis ng mga awtoridad ang suspek na si Renato Castro III, 45, ng #2466 Camachille St., Brgy. 746, Malate, Maynila.
Ayon sa imbestigasyon ni PO3 Michael Marragun, dakong 1:45 a.m. nang maganap ang insidente sa nabanggit na lugar.
“Teritoryo ko ito lumayas kayong lahat dito,” sigaw ng biktima habang nakahiga.
Sa puntong iyong biglang hinataw ng dos por dos ng suspek ang biktima at nang makitang wala nang malay ay mabilis na tumakas.
Sa pagsisiyasat ng pulisya, nabatid na magkaklase ang dalawa sa Manpower Development Center at sabay na nagtapos noong Hulyo, 2014.
Pagkaraan ay nagtungo sa Baywalk upang doon magmasahe.
(LEONARD BASILIO)
