Payroll money hinoldap sa sekretarya

NATANGAY ang dalang P114,000 payroll money ng isang sekretarya ng dalawang lalaking holdaper na naki-angkas sa sinasakyan niyang tricycle kamakalawa ng hapon sa Caloocan City.

Salaysay ng biktimang si Baby Jean Magtibay, 34, company secretary, residente ng #156 P. Sevilla St., Brgy. 54, ng nasabing lungsod, dakong 3:30 p.m. sakay siya ng tricycle pauwi sa kanilang bahay nang may sumabit na dalawang lalaki pagsapit nila sa Del Mundo St.

Tinabihan siya ng mga suspek sabay tutok ng baril at inagaw ang dala niyang pouch bag na kinaroroonan ng nabanggit na halagang pag-aari ng amo niyang si Conrado Herrera.

Makaraan makuha ang pera ay agad pinababa ng mga suspek ang biktima saka pinaharurot ang tricycle sa hindi nabatid na direksiyon.

(ROMMEL SALES)