HATAW! D'yaryo ng Bayan hatawtabloid.com
MULING ipinamalas ni Senior Insp. Rolando Lorenzo, Jr., hepe ng Quezon City Police District (QCPD) Criminal Investigation and Detection Unit Anti-Carnapping Investigation Section, ang kanyang dedikasyon at determinasyon sa trabaho nang maaresto ang tinaguriang carnap king na si Mac Lester Reyes at iba pa niyang kasamahan.
Naaresto ang ‘carnap king,’ lider ng Mac Lester Reyes carnap group na kumikilos sa Metro Manila at karatig lalawigan, matapos ang tatlong araw na operasyon nina Capt. Lorenzo sa Malabon City, Caloocan City, Quezon City at lalawigan ng Quezon.
Bukod sa pagkaaresto sa 37-anyos na si Mac Lester Reyes, 37, nadakip din ang live-in partner niyang si Richell Sibug, 30; at mga tauhan na sina Armando Dela Cruz, 26, auto techinician; Alvin Ganac, 19, helper; Pablito Gumasing, 34; at Macario San Diego, 23, technician.
Hindi na tayo nagulat sa performance ni Capt. Lorenzo.
Siya ang dating hepe ng Manila City Hall detachment at hindi mabilang ang malalaking operations laban sa kriminalidad ang kanyang pinangunahan.
Ngayong siya ay nasa team ni Chief Supt. Richard Albano, QCPD District Director, naniniwala tayo na mas lalo pang sisigla ang iba’t ibang kampanya nila laban sa kriminalidad.
Hindi matatawaran ang mahabang listahan ng mga achievement ni Capt. Lorenzo sa Manila City Hall Police Office, na nagpapatunay sa kanyang kalibre bilang isang bata at idealistic na police na sa tuwina’y hangad na maproteksiyonan ang mga mamamayan sa ilalim ng kanyang area of responsibility.
Mabuhay ka Sr. Insp. Rolando Lorenzo, Jr.!
ASST. STATE PROSEC RICHARD FADULLON NO WAY SA BRIBERY
ISA tayo sa mga naniniwala na malabong masangkot sa bribery si Asst. State Prosecutor Richard Fadullon sa kontrobersiyal na paglilitis sa Maguindanao massacre.
Si ASP Fadullon ang head ng first prosecution panel sa Maguindanao massacre.
Ang pangalan umano ni Fadullon ay nasa notebook na iniharap ni Jeramy Joson na umano’y nakuha niya sa Ampatuan lawyer na si Arnel Manaloto.
Sa nasabing notebook umano nakatala na si Justice Undersecretary Francisco Baraan III ay sinuhulan ng P13.5 milyon, habang si private prosecutor Harry Roque, Jr., ay P10 milyon at isang kotse. Si Fadullon ay P5 milyon noong Mayo 2011 at P2 milyon noong Enero 2012.
Sabi nga ni ASP Fadullon, ayaw na niyang magsalita tungkol dito.
Kung mayroon haharap na maglalabas ng ebidensiya ay mas nanaisin niyang harapin sa korte.
Naniniwala tayo kay ASP Fadullon.
Isa siya sa mga binigyan natin ng pagkilala noong tayo ay Presidente ng National Press Club (NPC) dahil sa kanilang parehas na paghawak sa kaso ng Maguindanao massacre bago ito iniakyat sa korte.
Ang dapat tutukan sa kasong ‘yan ay mga private prosecutor na hindi natin maintindihan kung ano ang agenda sa kanilang pag-iingay.
Ano sa tingin ninyo, Justice Secretary Leila De Lima?!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com
