Laging bigo sa bebot kelot tumalon sa tulay

NAGA CITY – Nasagip ang isang lalaki makaraan tumalon sa isang tulay sa Lucban, Quezon kamakalawa.

Ayon sa ulat ng Quezon Police Provincial Office, nakita ng mga residente si Jason Tabog habang nakatayo sa gilid ng Arco Bridge sa Brgy. Kilib, isinisigaw ang labis-labis na hinanakit dahil sa paulit-ulit na panloloko sa kanya ng mga babae.

“Wala na akong pag-asa sa babae, palagi na lang akong niloloko,” sigaw ni Tabog.

Pagkaraan ay biglang tumalon ang biktima mula sa tulay at bumagsak sa tubig.

Agad nasagip at naiahon ng mga pulis at mga residente sa lugar ang biktima na nagkaroon lamang ng bahagyang sugat sa katawan.