Barangay secretary na bading nagbigti

WALA nang buhay nang matagpuang nakabitin ang isang baklang kalihim ng barangay, sa kusina ng bahay ng kanyang kaibigan sa MacArthur Village Subdivision, sakop ng Brgy. Longos sa Lungsod ng Malolos, sa lalawigan ng Bulacan.

Kinilala ang biktimang si Charles Mateo, 30, naglilingkod bilang kalihim ng Brgy. Pinagbakahan sa nabanggit na lungsod.

Ayon sa ulat ng pulisya, dalawang linggo nang hindi umuuwi sa kanilang bahay ang biktima sa hindi pa malamang dahilan at pansamantalang nakikituloy sa bahay ng kanyang lola sa nasabing subdibisyon.

Hanggang makitang nakabitin dakong 9 p.m. sa bahay ng kanyang kaibigan sa nasabi rin subdibisyon.

Hinala ng pulisya, maaaring matinding selos sa kanyang boyfriend ang nagtulak sa biktima na wakasan ang kanyang buhay batay na rin sa ilang impormasyong kanilang nakuha sa isinagawang imbestigasyon.

(DAISY MEDINA)