Bangkay ng sanggol umalingasaw sa patio ng simbahan

ISANG bangkay ng kasisilang na sanggol ang natagpuan ng isang Sampaguita vendor nang masagap ang masangsang na amoy sa patio ng simbahan  sa Guagua, Pampanga, kamakalawa ng gabi.

Bandang 6:30 p.m. nang maamoy ni Nico Paulo Rivera, 20, ng San Roque Dau,Lubao, ang naagnas nang bangkay ng kasisilang na sanggol na nakalagay sa isang karosa ng patron sa harapan ng Immaculate Conception Parish Church, sa nasabing lugar.

Naglalako ng sampaguita sa loob ng simbahan si Rivera nang makaamoy ng nakasusulasok na amoy kaya nag-usisa sa paligid at nakita ang isang plastic bag na kinalalagayan ng sanggol. (R. SUSCANO)