HATAW! D'yaryo ng Bayan hatawtabloid.com
IDINIING “ang unggoy ang may-ari nito,” ibinasura ng foundation sa likod ng open-source encyclopedia Wikipedia, ang hiling ng British photographer na alisin ang selfie ng isang unggoy na kuha sa Indonesia noong 2011.
Tinanggihan ng Wikimedia ang hiling ng photographer na si David Slater na alisin ang larawan dahil mismong ang unggoy ang pumindot sa shutter button ng camera.
Ang kinukwestyong larawan ay ang selfie ng nakangiting babaeng macaque na kuha nang damputin ng unggoy ang camera ni Slater at pinindot ang shutter button.
“A photographer left his camera unattended in a national park in North Sulawesi, Indonesia. A female crested black macaque monkey got hold of the camera and took a series of pictures, including some self-portraits. The pictures were featured in an online newspaper article and eventually posted to Commons. We received a takedown request from the photographer, claiming that he owned the copyright to the photographs,” ayon sa Wikimedia sa kanilang transparency report.
“We didn’t agree, so we denied the request,” anila.
Itinuring ng Wikimedia ang larawan – na isinama sa kanilang online database ng royalty-free images – bilang “(s)elf-portrait ng babaeng Celebes crested macaque (Macaca nigra) sa North Sulawesi, Indonesia, na dinampot ang camera ni Slater at kinunan ng larawan ang kanyang sarili.
Binigyan lamang ng Wikimedia ng credit si Slater sa pag-rotate at pag-crop sa larawan na naging headlines sa buong mundo.
Ngunit idiniin ni Slater na siya ay nalugi sa kanyang gastos kaya iginiit na siya ang may karapatan sa copyright ng larawan, ayon sa The Telegraph ng UK.
Aniya, ang photography trip ay napakamahal at wala siyang kinita mula sa nasabing larawan.
“That trip cost me about £2,000 for that monkey shot. Not to mention the £5,000 of equipment I carried, the insurance, the computer stuff I used to process the images. Photography is an expensive profession that’s being encroached upon. They’re taking our livelihoods away,” aniya. GMA News/The Telegraph UK)
