Usyusero sapol sa rambol

KRITIKAL ang isang 55-anyos na lalaki nang tamaan ng bala ng baril habang nakikiusyoso sa rambol ng limang kalalakihan sa harap ng kanilang bahay sa Tondo, Maynila.

Ginagamot sa Mary Johnston Hospital (MJH), ang biktimang si Rolando Garcia, ng 624 Amarlanhagui St., Tondo, Maynila dahil sa tama ng bala sa binti at katawan.

Sa ulat ng Manila Police District – Police Station 1, naganap ang insidente dakong 10:50 p.m., lumabas ng bahay ang biktima nang malamang may rambol.

Habang nanonood biglang natumba si Garcia na sa tama ng punglo sa binti at katawan.

Hindi nakilala ang mga suspek na mabilis tumakas ang sakay ng tatlong motorsiklo.

(LEONARD BASILIO/may ulat si John Bryan Ulanday)