HATAW! D'yaryo ng Bayan hatawtabloid.com
ARESTADO ang apat na tulak, kabilang ang mag-dyowa, sa magkakahiwalay na anti-drug operations sa Navotas City kahapon ng madaling-araw.
Kinilala ang mag-dyowang suspek na sina Alma Talilong, alyas Madam, 47, ng Maria Clara St., 6th Avenue, Caloocan City at Edwin Bolo, alyas Monching, ng Pier 18, Maynila.
Nakuha sa kanila ang tatlong sachet ng shabu na nagkakahalaga ng P4,000 sa buybust operation sa Road 10, Brgy. North Bay Boulevard, South (NBBS).
Sumunod na inaresto si Alfonso Mariano, 47, ng #26 Buenaventura St., Brgy. Tangos, na nakompiskahan ng anim na sachet ng shabu sa isa ring buybust operation.
Inaresto rin sa buybust si Cezar Javier, 57, ng Cabrera St., Brgy. San Roque, Navotas, na nakuhaan ng dalawang sachet ng shabu.
Ang pagdakip sa mga tulak ay bilang tugon sa tinatanggap na reklamo ng Station Anti-Illegal Drugs (SAID) ng Navotas Police mula sa mga residente na talamak ang bentahan ng ilegal na droga sa kanilang lugar.
Kasong paglabag sa R.A. 9165 ( Dangerous Drugs Act) ang isinampang kaso laban sa mga suspek.
(ROMMEL SALES)
