Radio commentator grabe sa close van

VIGAN CITY – Kritikal ang kalagayan ng isang radio commentator makaraan mabundol ng isang close van habang nagmamaneho ng motorsiklo sa Brgy. Naguiddayan, Bantay, Ilocos Sur kamakalawa.

Kinilala ang biktimang si Danilo Tajon, komentarista sa isang istasyon ng radyo, at dati ring asst. manager ng Bombo Radyo Vigan, residente ng Brgy. Quimmarayan, Sto. Domingo, habang ang driver ng close van ay si BD Aguilar ng San Nicolas, Ilocos Norte.

Batay sa imbestigasyon ng PNP-Bantay, parehong direksiyon ang binabaybay ng dalawa nang mag- overtake si Aguilar at nabangga niya si Tajon na nakamotorsiklo at dahil sa lakas ng pagkahagis, tumama ang kanyang ulo sa semento.

Nasa kostodiya na ng PNP- Bantay ang driver ng van.