HATAW! D'yaryo ng Bayan hatawtabloid.com
ni Roldan Castro
APRIL 16 ang petsa na opisyal na mag-on sina Lovi Poe at Rocco Nacino na nangyari sa Eiffel Tower sa Paris, France.
Nagbiro pa nga si Rocco at inasar si Lovi na may plan B siya na itulak pababa ng Eiffel Tower kapag nag-No siya. Aminado rin siya na kinabahan na baka no ang isagot ni Lovi sa kanya.
Ano ang naramdaman niya nang aminin ni Lovi ang tungkol sa kanilang relasyon?
“Of course very happy!” tugon niya sa presscon ng Hustisya ng Cinemalaya X na pinangungunahan ni Nora Aunor.
“Aaminin ko kinilig ako. Sa babae na nanggaling ‘yun, kay Lovi pa nanggaling so ano, I had butterflies in my stomach. Natuwa ako. And ayun, kinonfirm ko na, na kami na talaga,”deklara pa niya.
Binawalan na ba niyang magpa-sexy si Lovi dahil girlfriend na niya ito?
“No, wala. It’s how GMA is grooming her na rin, na ano, iyon din ‘yung image niya ngayon, eh. Not too sexy na rin, tapos na siya sa sexy, eh. Medyo iba na ‘yung image niya. So, alam na niya ‘yung mga kailangang gawin, mas matagal siya sa business kaysa akin so she understands this more than me. Kaya hindi ko na siya kailangang pagsabihan sa ano, and very understanding kami parehas, very supportive sa isa’t isa, “ sambit pa niya.
Ibinulgar din ni Rocco na ‘puwet’ niya ang nagugustuhan ni Lovi.
“Kasi lagi niya akong inaasar sa puwet ko, na malaki. Sinisipa niya! Pinapalo niya lagi, pinapalo niya, sabi niya ma-puwet daw akong lalaki. JLo daw ako, JLo,” sey pa niya sabay tawa.
Anyway, after Hustisya, mapapanood din si Rocco sa pelikulang Ibong Adarna na ang premiere night ay sa September 29 sa SM Megamall, Cinema 9 handog ng National Press Club sa pamununo ni Pangulong Joel Egco. Kasama niya sa pelikula sina Joel Torre, Angel Aquino, Benjie Paras, Leo Martinez, Lilia Cuntapay, Ronnie Lazaro. Ito’y sa direksiyon ni Jun Urbano under Gurion Entertainment.
