HATAW! D'yaryo ng Bayan hatawtabloid.com
PATALBUGAN sa Filipiniana gowns sa State of the Nation Address (SONA) ni Pangulong Noynoy Aquino kahapon.
Sa bawat SONA, agaw-pansin ang red carpet fashion ng mga mambabatas at misis ng mga kongresista.
Nagsisilbi rin itong showdown ng mga kilalang designer para sa kanilang mga obra.
Isa na sa suki tuwing SONA ay ang designer na si Randy Ortiz. Ngayong taon, siya muli ang nagdisenyo ng suot nina Sen. Nancy Binay at Ormoc Rep. Lucy Torres Gomez.
Nude champagne serpentina gown ang suot ni Lucy sa SONA. Habang dalawang bihis si Sen. Binay na sa umaga ay isinuot ang puting silk chiffon na may drape detail.
Ang Presidential sister at TV host na si Kris Aquino ay dilaw na Maria Clara ang suot na gawa ng designer na si Cary Santiago.
Napili ni Heart Evangelista na designer si Joey Samson sa kanyang suot na gown na sinasabing nag-compliment sa outfit ng kasintahang si Sen. Chiz Escudero.
Ethnic fashion si Se. Loren Legarda sa suot na mula pa sa Davao region at dalawang buwan daw ginawa.
Puting Filipiniana gown ang suot ni Sen. Grace Poe na gawa ng designer na si Paul Cabral.
Agaw-eksena rin ang kulay peach na mga gown ng party-list representatives na sabay-sabay pang pumasok sa Batasang Pambansa.
