Kelot binoga sa harap ng 16-anyos nobya

TEPOK ang isang lalaki nang barilin ng hindi nakikilalang gunman habang kasama ang nobya sa harap ng Igorot Garden, Baguio City, kahapon ng madaling araw.

Tatlong tama ng punglo sa ulo ang ikinamatay ng biktimang si Rodelio Tomelden Bautista, 21, ng Km 3, La Trinidad, Benguet.

Isinugod sa Baguio General Hospital and Medical Center ang biktima pero hindi na naisalba ang kanyang buhay.

Katatapos kumain ng biktima kasama ang 16-anyos na nobya nang dumating ang suspek na may taas na 5’6, nakasuot ng sweat shirt na may hood at may takip sa mukha.

Inaalam ng mga awtoridad ang motibo sa pagpatay sa biktima.

(Beth Julian)