Wicked ending ng Wansapanataym special, sa Linggo na!

WICKED But Happy Ending ang handog nina Miles Ocampo, Inah Estrada, at Alyanna Angeles ngayong Linggo (Hulyo 27) sa huling episode ng Wansapanataym Presents Witch-A-Makulit.

Sa kabila ng kanilang kasiyahan sa mundo ng mga mangkukulam, magsisimula nang mangulila sina Krystal (Miles), Jade (Inah), at Emerald (Alyanna) sa kanilang amang si Pinong (Benjie Paras) na naiwan sa mundo ng mga tao. Ano ang gagawin ng magkakapatid upang muling makita ang kanilang tatay lalo na ngayong ipinagbabawal ito ng kanilang lola? Sa huli, mapagkakasundo ba nina Krystal, Jade, at Emerald ang mga tao at lahing mangkukulam?

Ito ay sa ilalim ng panulat ni Mariami Tanangco-Domingo at idinirehe ni Lino Cayetano. Sa ilalim ng produksiyon ng Dreamscape Entertainment Television, ang original storybook ng batang Pinoy na Wansapanataym ay ang longest-running at most-awarded fantasy-drama anthology ng ABS-CBN. Kaya huwag palampasin ang Wicked But Happy Ending ngayong Linggo, 6:45 p.m..