HATAW! D'yaryo ng Bayan hatawtabloid.com
BINARIL at napatay ang 24-anyos lalaki ng motorcycle riding-in-tandem habang sugatan ang 8-anyos batang lalaki nang tamaan ng ligaw na bala sa Makati City kamaka-lawa ng gabi.
Nalagutan ng hininga bago idating sa San Juan De Dios Hospital si Rodante Argie Mahinay ng #720 Dimasalang St., Pasay City, tinamaan ng bala sa leeg at katawan.
Dinala sa Makati Medical Center (MMC) ang batang si Michael, ‘di tunay na pangalan, ng Park Avenue, Pasay City, tinamaan ng bala sa kanang kamay.
Tinamaan din ng bala sa insidente ang nakaparadang gray na Toyota Altis (ZTE-129).
Base sa inisyal na ulat ni SPO3 Jayson David, naganap ang insidente sa harapan ng Jollibee Food Chain, Shell Gasoline Station, Humabon St., Brgy. Magallanes, Makati City.
Naglalakad ang biktima mula food chain nang sumulpot ang isang motorsiklong walang plaka sakay ang magkaangkas na dalawang lalaki saka binaril si Mahinay.
(JAJA GARCIA)
