HATAW! D'yaryo ng Bayan hatawtabloid.com
SA Hulyo 27, sa selebrasyon ng Centennial ng Iglesia ni Cristo (INC) opisyal nang binuksan kahapon (Hulyo 21) ang Philippine Arena, isang multi-purpose indoor arena na matatagpuan sa Ciudad de Victoria na sumasakop sa dalawang bayan ng Bulacan, ang Bocaue at Sta. Maria.
Mayroong kapasidad na 55,000 seats, itinuturing ito ngayon na pinakamalaki sa buong mundo. Ito ang centerpiece sa kabuuang proyekto ng INC para sa kanilang Centennial Grand Celebration. Pagmamay-ari ito ng INC sa ilalim ng New Era University. Gayon man, bukas ito para sa malalaking event na gagawin sa bansa.
Ang konstruksiyon ng Philippine Arena ay inspirado mula sa ating Pambansang Puno na Narra at sa ugat ng Banyan tree.
Sinimulan ito noong Agosto 17, 2011 at natapos noong Mayo 21, 2014 bilang paghahanda nga sa Hulyo 27.
Makatutulong din ito, hindi lang sa miyembro ng INC kundi maging sa pagpapaunlad ng turismo sa bansa.
Kaya naman lalo tayong bumibilib at humahanga sa INC. Sila lang yata ang sekta na nagbabalik ng biyaya sa kanilang miyembro.
Naggagandahan ang mga kapilyang ipinatatayo nila.
Hindi katulad ng iba d’yan, ang laki ng koleksiyon pero ang ipinatayong sambahan ‘e bubungan na malaki lang.
Anyway, nais po nating ipaabot ang ating taos-pusong pagbati sa pamunuan ng INC sa kanilang pinatayong INC Philippine Arena.
Kudos Ka Eddie Boy Manalo!
Mabuhay ang Iglesia ni Cristo!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
