Anak ng tserman todas sa barilan (Napikon sa tagayan)

PATAY ang anak ng isang barangay chairman at isang barangay tanod nang magbarilan nang kapwa mapikon sa kanilang tagayan sa Maasin, Iloilo kamakalawa.

Tig-isang tama ng punglo sa katawan ang ikinamatay nina Leo Vallejo, anak ng barangay chairman, at Dametillo Diaz, barangay tanod.

Ayon kay PO3 Elmer Lentija, ng Maasin Municipal Police Station, nag-iinoman ang mga biktima sa Brgy. Trangka, nang humantong sa pagtatalo hanggang mapikon sa isa’t isa kaya nagpasyang mag-uwian.

Naglalakad pauwi si Vallejo kasama ang isang katagay nang barilin ni Diaz pagdaan sa tapat ng bkanyang bahay.

Gumanti si Vallejo kaya nagpalitan sila ng putok na humantong sa kanilang kamatayan.

Nagsasagawa na ang mga awtoridad ng imbestigasyon sa insidente.

(BETH JULIAN)