HATAW! D'yaryo ng Bayan hatawtabloid.com
KALABOSO ang isang barangay kagawad at isang drug addict matapos halinhinang gahasain ang isang 14-anyos na babae sa Barangay Eguia, Dasol, Pangasinan.
Kinilala ang mga suspek na sina Leonido Abella, barangay kagawad ng Dulipan at Justine Mijos, 49, sinasabing adik, ng barangay Eguia, Dasol.
Sa salaysay ng biktimang itinago sa pangalang Yvonnah, 14, inimbitahan siya ng kanyang kabarkadang si Lorena na magpunta sa bahay ng suspek na si Abella.
Nadatnan nilang nag-iinoman sina Abella at Mijos at sumisinghot pa ng shabu.
Sinasabing si Abella ay nobyo ni Loreta kaya ipinalagay ng biktima na walang mangyayaring masama sa kanila pero pinilit silang uminom ng alak hanggang sa makatulog.
Nang magising ay wala nang damit si Yvonnah at halinhinan na siyang inabuso ng mga suspek at pagkatapos ay inabandona kaya nakapagsumbong sa mga awtoridad. (JAIME AQUINO)
