65-anyos na biyudo nainip sa pagbabalik ng syota nagbitay

MATAPOS dibdibin ang ilang araw na hindi pag-uwi sa bahay ng kanyang kinakasama, winakasan ng isang 65-anyos na biyudo ang kanyang buhay sa pamamagitan ng pagbibigti sa Sta. Barbara, Pangasinan.

Maitim na ang mukha at halos lumuwa ang dila ng biktimang si Henry Balolong-Lanagan, ng Phase 2, Sta Teresita St., Villa Sta. Barbara housing, Brgy. Minien West, nang matagpuang nakabigti sa kisame ng kuwarto.

Natagpuan ang bangkay ng biktima ng kanyang anak na si Lady Clarisse Iglesias.

Nabatid sa imbestigasyon na bago magbigti ang biktima, madalas siyang naglalasing mula nang hindi umuuwi ang kanyang kinakasama matapos silang mag-away.

(JAIME AQUINO)