HATAW! D'yaryo ng Bayan hatawtabloid.com
CEBU CITY – Patay na nang matagpuan ang isang Danish national sa kanyang kwarto sa Century Hotel sa Pelaez St. Lungsod ng Cebu kahapon.
Kinilala ang biktimang si Jems Bjerre Overgaard, 65, isang Danish national.
Ayon kay SPO2 Rene Cerna ng homicide section, pansamantalang nag-check-in ang mag-live-in partner sa nasabing hotel.
Ngunit dakong madaling-araw kahapon ay nagtalo ang dalawa dahil sa selos, at nagkasakitan.
Ayon pa kay SPO2 Cerna, inamin ng suspek na si Cheryl Samante Maranga, 26, ang krimen ngunit iginiit na self-defense lang ang pagpatay sa biktima gamit ang gunting.
Dagdag ng suspek, kung hindi niya idinepensa ang sarili, maaaring siya ang napatay.
