HATAW! D'yaryo ng Bayan hatawtabloid.com
SUGATAN ang 35-anyos truck driver nang saksakin ng isang empleyado ng RWM Towing nang umawat sa pagtatalo ng una at isa pang truck driver sa Road 10, Vitas, Tondo, Maynila kamakalawa.
Nilalapatan ng lunas sa Tondo Medical Center ang biktimang si Dennis Flor, truck driver, residente ng #37 Panganiban St., Sta. Mesa, Maynila.
Habang tumakas ang hindi nakilalang suspek na tauhan ng RMW Towing Services.
Bago ang insidente, nai-tow ng RMW ang truck (UQB-941) na minamaneho ng biktima dakong 1 p.m. habang nakaparada sa Capulong St., Tondo.
Pinuntahan ng biktima ang truck sa impounding area at habang naghihintay nakita niyang nagtatalo ang isang driver ng GFI Trucking Service at ang suspek.
Tinangkang awatin ng biktima ang dalawa ngunit nagbunot ng patalim ang suspek at inundayan siya ng saksak.
(LEONARD BASILIO, May dagdag na ulat si John Bryan Ulanday)
