Bumanderang tapos ang bagitong mananakbo ni Ginoong Hermie Esguerra sa isang 2YO Maiden na si Super Spicy na nirendahan ng hineteng si Dunoy Raquel Jr. nitong nagdaang Sabado sa pista ng Sta. Ana Park.
Sa ikli ng distansiya at tulin niya sa arangkadahan ay tila nahilo ang maagang kasunod niya sa lundagan na sina Stone Ladder at Gentle Whisper. Pero magkagayon pa man ay maituturing din na pang-abang si Stone Ladder ni Ginoong Rick Aquino dahil sa tapang at buo ang loob na makipagsabayan sa harapan.
Ang isa sa naging paborito na si Jazz Asia na dumating ng tersera ay nabitin sa distansiyang 1,000 meters, kaya abangan na lamang natin siya kapag medyo humaba na ang labanan.
Fred L. Magno
