Bea, magaling mang-akit ng lalaki

NAPAKAHUSAY na aktres talaga ni Bea Alonzo. Hindi ito maitatatwa ng sinumang sumusubaybay sa kanyang Sana Bukas Pa ang Kahapon ng ABS-CBN2.

Kitang-kita ang pagka-versatile ni Bea sa teleseryeng ito lalo na roon sa kung paano niya inaakit si Paulo Avelino bilang si Emmanuelle. Kaya hindi kataka-takang kapit na kapit ang buong sambayanan lalo sa pang kapana-panabik na kuwento nito.

Inuumpisahan na kasi ni Rose ang paghihiganti kay Patrick (Paulo) kaya naroong tila nilalandi niya ang huli. Effective rin ang pagiging tagong kontrabida ni Maricar Reyes (Sasha) na ginagawa ang lahat, malampasan lang si Rose (Bea).

Sa painit na painit na kuwento ng Sana Bukas Pa Ang Kahapon, lalong naging maganda ang ratings nito ayon na rin sa datos ng Kantar Media na humataw sa national TV rating at nakakuha ito ng 20.4% kompara sa ratings ng katapat na programang ang Dalawang Mrs. Real ng GMA7 na mayroon lamang 12.6 percent.

Huwag bibitaw sa pagtutok sa Sana Bukas Pa Ang Kahapon dahil lalong paiinitin ang iyong mga gabi sa patuloy na paghihiganti ni Rose laban kina Patrick at Sasha.

Ang Sana Bukas Pa Ang Kahapon ay mula sa ilalim ng Dreamscape Entertainment Television na ang kuwento ay ukol sa dalawang magkaibang babae na naghahangad makamit ang hustisya. Ito ay idinidirehe nina Trina Dayrit at Jerome Pobocan.