HATAW! D'yaryo ng Bayan hatawtabloid.com
PATULOY raw na ipinagyayabang nitong si Albert Corres asawa ni Immigration Angeles ACO Janice Corres na matindi raw ang kanilang koneksyon sa immigration kaya sila ay nakakuha ng exemption sa Office Order SBM-2014-12.
Matapos lumabas ang naturang Office Order na wala nang processing ng Visa extension sa BI Angeles field office, ‘e wala pa raw isang linggo, nagawa nilang makapagpapirma ng exemption gamit ang kanilang koneksyon sa loob. Ipinagmamalaki pa niya na madali lang silang nakapagpapapirma dahil pera-pera lang naman ang pinag-uusapan!?
What the fact!?
Isang araw daw matapos lumabas ang nasabing office order ay nakapagpapirma na sila ng exemption gamit ang kanilang koneksyon sa BI Legal Division.
‘E sino naman kaya ang kanilang ginamit na koneksyon? Sino naman kaya ang tinutukoy nila na pera-pera lang?
Aware kaya si Immigration Comm. Fred Mison na kinakalantare raw nitong si Albert Corres ang pangalan ng Bureau para sa mga transaksyones nila ng kanyang asawa na buong akala ng lahat ay straight-to-the max?
Comm. Fred Mison, ngayon na na-expose ang mga kalokohan sa BI Angeles field office, bakit hindi n’yo kanselahin ang ibinigay na exemption sa Fontana Casino na pinagkakakitaan ng ilang tulisan diyan?
Ngayong nabukayo pa ang Exit Clearance Certificate manufacturing company at hindi pa nasisibak sa kanyang puwesto at nakakasuhan si BI Angeles ACO Janice Corres, Sir Fred, baka maniwala na ako na may basbas ang mga anomalya diyan?!
COMELEC COMMISSIONER GRACE PADACA NALAGLAG O INILAGLAG NG 3-M DIVISION?
HINDI na raw ini-appoint ni Pangulong Benigno Aquino III si Commissioner Grace Padaca nang mag-expire ang kanyang appointment sa Commission on Election (Comelec).
Ang sabi, dahil na-bypassed ng Kamara, na kasalukuyang naka-recess, hindi raw pwedeng ma-appoint muli.
Sa pagbubukas pa raw ng Kongreso muling mai-appoint ng Pangulo si Commissioner Padaca.
‘Yan ay kung gusto pa siyang i-appoint ng Pangulo.
‘Nahihiwagaan’ kasi tayo sa nangyari sa karera ni Madam Grace.
Noong una ay talagang hindi matinag-tinag ang suporta ni PNoy. Hindi ba’t ipinagbayad pa siya ng piyansa sa kasong malversation at graft cases.
Pero pagkatapos ma-bypassed mukhang tumahimik na ang Malacañang.
Hindi na natin makapa kung nariyan pa rin ang suporta ni PNoy kay Madam Grace.
O baka naman tuluyan nang inilaglag ng 3-M division si Madam Grace?!
Aabangan na lang natin ang pagbubukas ng 17th Kongreso mga suki …
D’yan natin malalaman kung ‘buhay’ pa ang suporta ni PNoy kay Madam Padaca.
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
