1 patay, 1 grabe sa amok na bebot

TODAS sa pagwawala ng isang babae ang isang lalaki at isa pa ang sugatan sa Mobo, Masbate kamakalawa.

Patay agad ang biktimang si Jason Danao dahil sa tama ng bala at taga sa katawan habang sugatan si Albino Macadat.

Nasa kustodiya na ng pulisya ang suspek na si Arlene Oliva, 46.

Natutulog ang mga biktima at isang Ryan Danay sa bahay ng kanilang lolo nang dumating ang suspek na armado ng shotgun.

Nang makita ang mga biktima pinaputukan sila ng suspek. Hindi pa nakontento ang suspek, iwinasiwas pa ang dalang itak kaya tinamaan pa ang mga biktima habang nakatalon naman at nakalayo si Danay.

Patuloy ang imbes-tigasyon ng mga awtoridad para malaman ang dahilan ng pagwawala ng suspek.

(BETH JULIAN)