Arjo, pinasinungalingan ang kumakalat na balitang beki raw siya

HANGA ako sa walang gatol na pagsagot o off the record ni Arjo Atayde sa mga tanong na ibinabato sa kanya ng entertainment press kahit sabihin pang karamihan sa mga tanong ay below the belt o medyo personal na. Paano’y walang inhibition ang batang ito, kaya naman sige lang siya sa pagsagot.

Nakatitiyak kaming malayo ang mararating ng batang ito dahil marunong siyang makisama at hindi umaakyat sa ulo ang kasikatan. Alam din niya kung paano sasagutin ang katanungan na hindi showbiz ang sagot.

Tulad na lamang nang direktang tanungin namin kung bakla ba siya? Naitanong namin ito sa binata dahil may mga lumalabas na balita na beki ang binatang ito ni Sylvia Sanchez. Diretso rin niya kaming sinagot ng, “hindi po ako bakla!” at ngumiti lamang sa aming katanungan.

Ibinuking ding hindi totoong matutuwa ang kanyang ina sakaling isang beki nga siya (nang makakuwentuhan kasi namin si Ibyang, nasabi nitong okey lang sa kanya sakaling magka-anak siya ng beki) at hindi makapaniwala na sinabi rin ng kanyang ina na pag-aaralin siya sa Paris sakaling beki nga siya.

Sa tagal na naming pagkakakilala kay Arjo, malayo naman talagang paghinalaan naming siyang beki. Siguro’y dahil sa kanyang physical features na maputi kaya may mga nagsasabi na bading siya.

Anyway, natanong din si Arjo kung ano ang naging reaksiyon niya nang bastedin ni Alex Gonzaga sa harapan niya at on camera si Ryan Bang nang mag-guest sila ng dalaga sa It’s Showtime last Saturday para sa promo ng seryeng Pure Love na halaw sa hit 2011 Korean TV series na 49 Days at napapanood na simula kahapon, July 7.

Ani Arjo, hindi siya natuwa, at “Whatever relationship they have, whatever friendship they have with each other, that’s none of my business.

“And fun-fun naman kasi part din naman ng script ‘yung nangyari na mag-uusap sila. Pero ‘yung basted part, hindi na (part ng script), sa kanila na ‘yun.

“It’s none of my business and as much as possible, I’m getting to know her and wala akong karapatan na makialam pa sa kanila,” giit pa ni Arjo.

What if kung sa kanya sabihin ni Alex na friends na lang sila, ano ang magiging reaction niya?

“Mahe-hurt? Iiyak? Hindi, joke. Mahe-hurt ako, of course. But as I’ve said nga, again, we have to respect whatever her decision is,” anang aktor.

Ang local adaptation ng Pure Love ay sesentro sa kahalagahan ng tunay na pagmamahal at ang katatagan ng relasyon ng pamilyang Filipino. Ibabahagi nito ang kuwento ni Diane (Alex), isang masayahin, positibo, at laki sa yamang dalaga na mistulang perpekto na ang buhay; at Ysabel (Yen Santos), isang ordinaryong manggagawa na nawalan na nang ganang mabuhay mula nang mamatay ang kanyang kasintahan.