HATAW! D'yaryo ng Bayan hatawtabloid.com
Inaayos ng mga awtoridad ang biktimang si Laleine Valerie Aniel na nabiktima ng hit and run sa Roxas Boulevard, sa harap ng CCP, Pasay City. Kasama rin ni Aniel na nabiktima ang kasamahan sa trabaho na si Kelvin Principe. Nabundol ang mga biktima ng Toyota Crown, may plakang TEJ- 967, pero mabilis na nakatakas. (ALEX MENDOZA)
KRITIKAL ang kalagayan ng isang babaeng service crew dahil sa ba-ling binti at putok sa ulo ang 27-anyos na babae habang may pasa at galos ang kasama niyang lalaki matapos ma-hit and run’ sa Roxas Boulevard, Malate, Maynila, kahapon ng madaling araw.
Kapwa service crew ng Max’s Fried Chicken Restaurant na nasa sa loob ng Harrison Plaza mall, sa Adriatico St., Malate, Maynila ang mga biktima.
Nasa kritikal na kondisyon sa Philippine General Hospital (PGH) ang mga biktimang sina Valerie Aniel, ng Las Piñas City, habang ang kasama niyang si Kelvin Principe, 20, ay nasa ligtas na kalagayan.
Dakong alas-2:10 a.m., nang respondehan ang insidenteng naganap sa southbound lane ng Roxas. Blvd., sa harap ng Cultural Center of the Philippines (CCP).
Sinabi ni Principe, kapwa sila nakainom ng alak dahil galing sila sa isang bar.
(LEONARD BASILIO)
