Playboy itinumba ng tandem

PATAY ang isang palikerong lalaki makaraan pagbabarilin ng hindi nakilalang riding in tandem kamakalawa ng gabi sa Caloocan City.

Agad binawian ng buhay ang biktimang si Edison Gomez, 27, ng 661 Bo. Concepcion Dulo, Tala ng nasabing lungsod.

Sa ulat ni SPO2 Constantino Guererro, dakong 8:30 p.m. nang maganap ang insidente sa kahabaan ng Phase 7-B, Package 2, Block 41, Brgy. 176, Bagong Silang ng nasabing lungsod.

Sinasabing kagagaling lamang makipagtagpo ng biktima sa hindi pinangalanang babae sa nasabing lugar nang tambangan ng mga suspek.

Salaysay ng misis niyang si Rosario Gomez, alam niyang babaero ang kanyang mister at marami nang natatanggap na death threat dahil dito.

(ROMMEL SALES)