Retiradong maestro itinumba (Sinabing video karera operator)

ISANG retiradong guro na sinabing video karera operator ang namatay matapos barilin nang malapitan ng naka-bonnet na gunman habang naglalaro ng ‘tong-its’ sa Candelaria, Quezon.

Namatay sanhi ng isang tama ng punglo sa batok ang biktimang si Antonio Pagdangan, alyas Maestro, 58, ng Barangay Masalukot I.

Nakatakas ang hindi nakilalang suspek pagkatapos ng pamamaril.

Nagsasagawa ng imbestigasyon ang mga awtoridad sa insidente upang malaman kung may kinalaman sa pagpapatakbo ng biktima ng video karera sa ikalawang distrito ng Quezon.

(Beth Julian)