HATAW! D'yaryo ng Bayan hatawtabloid.com
BUO pa rin ang tiwala ni Pangulong Benigno Aquino III kay Philippine Amusement and Gaming Corporation (PAGCOR) Chairman Cristino “Bong” Naguiat, Jr.
Ito ang sagot ni Communications Secretary Herminio Coloma, Jr., hinggil sa pagharang ni Bayan Muna Rep. Neri Colmenares sa posibleng muling pagtalaga ni Pangulong Aquino kay Naguiat at iba pang opisyal ng PAGCOR.
Aniya, may mga nakatakdang proseso para alamin ng Commission on Audit (CoA) kung may iregularidad sa mga transaksyon sa pamahalaan.
Inakusahan ni Colmenares ang PAGCOR na ipinambayad ang kinitang P5.2 bilyon sa buwis ng mga casino kaya nagkulang ng tulong sa mahihirap kaya’t hinimok si Pangulong Aquino na pag-aralan muli ang pag-reappoint kay Naguiat at iba pang opisyal ng PAGCOR sa pwesto.
(ROSE NOVENARIO)
