HATAW! D'yaryo ng Bayan hatawtabloid.com
KABILANG ang 74-anyos Binondo restaurant sa natupok sa naganap na sunog sa residential-commercial area kahapon ng umaga sa Ongpin St., Binondo, Maynila.
Ayon sa ulat ng Manila Fire Bureau, nagsimula ang sunog sa ikalawang palapag ng isang residential bldg. dakong 9:31 a.m. sa Ongpin corner Mañosa Streets.
Bunsod nito, natupok din ang nakapaligid na commercial establishments sa lugar kabilang ang klasikong Ongpin Mañosa restaurant.
Umabot sa ikaapat na alarma ang sunog na idineklarang fire out dakong alas 10:41 a.m.
Tinatayang mahigit sa P2 milyon ang halaga ng napinsalang mga ari-arian.
Sa inisyal na imbestigasyon ng mga awtoridad, electrical faulty wiring ang hinihinalang sanhi ng sunog.
Walang naiulat na nasugatan o namatay sa naganap na sunog.
(LEONARD BASILIO)
