HATAW! D'yaryo ng Bayan hatawtabloid.com
PATAY ang isa sa mga suspek sa Maguindanao Massacre at dalawa pang kasama makaraan manlaban sa mga pulis na aaresto sa kanila sa Cotabato City kahapon ng madaling araw.
Kinilala ang suspek na si Muktar Santos, kabilang sa mga inisyuhan ng warrant of arrest dahil sa kasong pagpatay sa mahigit 50 katao.
Kasama rin sa napaslang ang mga kasama ni Santos na kinilala lamang sa alyas na Katindig at Badoy.
Batay sa ulat, naganap ang insidente sa Tanghal Subdivision, Brgy. Bagua II, sa nabanggit na lungsod.
Aarestohin sana ng mga pulis si Santos sa bisa ng warrant of arrest na inisyu ni Judge Jocelyn Solis Reyes ngunit nanlaban ang mga suspek na nagresulta sa palitan ng putok. (DANG GARCIA/BETH JULIAN)
