Parking attendant itinumba sa Maynila

PATAY ang isang 44-anyos empleyado ng Manila City Hall makaraan barilin ng hindi nakilalang salarin habang naglalaro ng bilyar sa Tondo, Maynila kahapon ng madaling-araw.

Agad binawian ng buhay ang biktimang si Manuel Isabela, parking attendant/market collector ng Manila City Hall, residente ng 353 Sgt. Mabagos Street, Tondo.

Sa imbestigasyon ni PO2 Dennis Turla, dakong 1:25 a.m. nang maganap ang insidente sa Carmen Planas St. kanto ng P. Laura St.

Habang naglalaro ng bilyar ang biktima nang biglang sumulpot ang suspek at siya ay pinaputukan.

Pagkaraan ay kaswal na naglakad palayo ang suspek.

Inaalam pa ng pulisya kung ano ang posibleng motibo sa krimen. (LEONARD BASILIO)