HATAW! D'yaryo ng Bayan hatawtabloid.com
PATAY ang dalawa katao nang mahulog ang metal beam mula sa tower crane sa construction site sa San Juan City at bumagsak sa isang canteen kahapon.
Hindi pa nakuha ang pagkakakilanlan ng dalawang biktima na isang lalaki at isang babae.
Naganap ang insidente sa Wilson Street kanto ng Ortigas Avenue, habang itinatayo ang multi-level parking facility sa nasabing lugar.
Sa inisyal na impormasyon, sinabi ni San Juan City police chief, Senior Supt. Joselito Daniel, biglang nahulog ang metal beam mula sa crane at bumagsak sa canteen.
“Parang nag-slip,” pahayag ni Daniel, idinagdag na kumukuha pa sila ng pahayag sa crane operator para sa dagdag pang detalye.
Aniya, hindi umuulan nang mangyari ang insidente at napakainit, dakong 1:30 p.m.
(MIKKO BAYLON)
