1 patay, 3 sugatan sa rambol sa Quezon

NAGA CITY – Patay ang isang lalaki habang sugatan ang tatlong iba pa sa rambol ng dalawang grupo ng magbabarkada sa Sariaya, Quezon kamakalawa.

Kinilala ang namatay na si Jayson Egamino, 33, feed mill checker. Patuloy na ginagamot sa ospital ang kaibigan ng biktima na si Wilbert Eguia, 28, may-ari ng isang motorcycle shop.

Habang natukoy ang dalawa sa limang suspek na sina Rollenson Remo, 23, magsasaka, at Ferdinand Reyes, 27, security guard, kapwa sugatan din.

Ayon sa saksing hindi nagpabanggit ng pa-ngalan, lulan siya ng motorsiklo nang mag-overtake sa motorsiklo na ikinagalit ng mga suspek.

Sinundan umano siya ng mga suspek hanggang sa shop ni Equia ngunit siya ay nagtago. Ang mga biktima ang nakaharap ng mga suspek na nagresulta sa rambol ng dalawang grupong kapwa armado.

(RAFFY SARNATE/BETH JULIAN)