HATAW! D'yaryo ng Bayan hatawtabloid.com
SUMALPOK sa pick-up ang isang tricycle na nagresulta sa kamatayan ng dalawang matanda sa Barotac Viejo, Iloilo.
Patay agad ang mga biktimang sina Emma Batadlan, 70, at Eva Ebueza, 68, nang tumilapon mula sa sinasakyang tricycle na minamaneho ni Fredo Basa.
Patungong Barotac Viejo District Hospital ang tricycle mula sa Ajuy at sakay ang mga biktima at anak ni Ebueza na si “King King” nang maganap ang aksidente.
Ngunit pagdating sa Barangay Puerto Princesa, inagaw ni King King ang manibela mula kay Basa kaya nawalan ng kontrol at tuluyang bumangga sa kasalubong na pick-up.
Nabatid na dadalhin sana at ipagagamot dahil sa nervous breakdown si King King nang maaksidente.
Nasa kustodiya na ng pulisya ang driver ng pick-up na si Ruverspiere Tupas habang patuloy pa ang imbestigasyon.
(Beth Julian)
